Eduki hau partekatzeko esteka arbelera kopiatu da.
Tolosako Ortzadar elkarteak aurten 75. urteurrena ospatuko du, eta hori aprobetxatuz zenbait ekimen prestatu dituzte. Horien artean, elkartearentzako obra berri bat egin dute. Sugarri fanfarriako Joseba Apariciok egin du abestia, 'Gure bigarren etxea' izenekoa. Sugarri aritzen da Inauterietan ortzadar elkartearekin, eta aurkezpenean izan dira, abesti berria jotzeko.
Abesti berria Ortzadar elkartearen laugarrena da. Inauterietako soinu bandaren parte dira Ortzadarren abestiak eta laugarren hau ere herrian pixkanaka txertatu nahi dute. Horretarako beste txaranga guztiei ere banatuko diete partitura. Urteurrenaren leloa 'Gure bigarren etxea' izango da, eta abestiari ere izen bera jarri diote. Bere letra propioa ere badu abestiak, eta elkartetik txalotu dute Aparicioren lana abestia konposatzerakoan.
Abesti berriaren aurkezpena egin eta gero, Sugarrikoek Ortzadar elkartearen doinu ezaguna jo dute kalean:
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
