Et Incarnatus orkestraren kontzertua

Et Incarnatus orkestrak 2005ean kaleratu zuen 'Troika Tolosako Iñauteriak' diskoaren bidetik eta bederatzi urteren ostean, inaute musika era diferentean entzuteko aukera izango da berriro ere. Emanaldiaren jomuga "ikuslegoaren zentzuak esnatzea, txoratzea eta gozamenean jartzea izango da", azaldu dute. Et Incarnatuseko 20 musikarik eta okasiorako bildutako bakarlari paregabeek, inauteriaren umore fina, goxotasuna, edo malenkonia gerturatuko dizkigute, kaleko musikaren ikuspegi desberdin eta harrigarriaren bidez. Sarrerak jada salgai daude kutxasarrerak.net helbidean.