"Prozedura hori abiatuko balitz, aztertu beharreko lirateke sakoneko gaiak, delituen preskripzioarena eta amnistiarena, kasurako", gaineratu du Zaragozak. Fiskalak oroitarazi du "60ko hamarkada amaieran eta 70eko hamarkada hasieran" eginiko delituak direla ikertu beharrekoak, eta gainaratu du horiei ere ezar dakiekeela 1977ko Espainiako Amnistia Legea.
Juan Antonio Gonzalez Pacheco 'Billy el Niño' eta Jesus Muñecas Aguilar polizia ohiek abenduaren 5ean deklaratu zuten Espainiako Auzitegi Nazionaleko epailearen aurrean. Bi auzipetuen kontrako hainbat kautela neurri onartu zituen epaileak: astero epaitegian aurkeztu beharko dute, Espainiatik irtetea galarazia dute, pasaportea erretiratu diete eta etengabe aurkitzeko moduan egon behar dute. Bien estradizioa eskatu du Maria Servini Argentinako epaileak, Frankismo garaian torturak egin ote zituzten ikertzeko.