"LOMCE legea aitzakiatzat erabiliz, Eusko Jaurlaritza egundoko murrizketak ezartzen ari da gure ikaskuntza sisteman", azaldu dute protesta egin dutenek. "Kalitate oneko zerbitzu publikoen sistemak, ezinbestez, planifikazio egokia eta giza nahiz material errekurtso nahikoak" eskatzen dituela azaldu dute. Aldi berean zerbitzuek bere langileei zein erabiltzaileei "parte hartzeko aukera" bermatu behar zaiela uste dute. Horren aurrean, Hezkuntza Sailaren azken erabakien ondorioz, langileen lan baldintzak zein ikasleek ikas-prozesu eta ibilbidearen aukerak "kaskartzea" ekarri dutela salatu dute.
Hezkuntza publikoan murrizketarik ez egitea aldarrikatu dute
Tolosako ikastetxe publikoetako ikasle, guraso eta langileek elkarretaratzea egin dute gaur goizean, hezkuntza publikoan murrizketak egitearen aurka. ELA, LAB, EILAS eta ESK sindikatuek egin dute elkarretaratzearen deialdia eta gaur Donostian, 18:30ean, Bulebarretik hasita egingo den manifestaziorako deia egin dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!