Kirol talde eta eragileen arteko bozketaren ondoren, Iker Karrera mendi lasterkaria hautatu dute Tolosako 2013ko kirol merituari saria jasotzeko. Jaiotzez amezketarra bada ere, Tolosan bizi da Karrera. Aurten hainbat lasterketa irabazi du, aipagarriena Italiako Aosta bailarako Tor des Geants proba, bertako marka hobetuz.
Beste sari nagusi hauek banatu dituzte ekitaldian: kirolari eskainitako laguntzagatik, Arsenal elkarteari, 25 urtez futbol txapelketa antolatzeagatik, eta Aurrera elkarteari, 26 urtez J.A. Insausti Xake Txapelketa antolatzeagatik; berdintasunaren saria, TAKE elkarteari, nesken parte hartzearen gorakadagatik; kirol portaera eredugarriari, Tolosako emakume nagusien pilota taldeari; eta kirolean egindako ibilbideagatik, TAKE elkarteari, 25 urtez Tolosako saskibaloia berpiztu eta sustatzeagatik.
Horiez gain, kirol bakoitzean hainbat diploma banatu dituzte, tartean kirolari aipagarrienei.