Euskal Herria plaza ganaduz betea agertu da goizean goizetik, eta jende ugari gerturatu da ikustera. Era berean, txekorra erretzen izan da ordu luzez, 12:30ean, txikitu eta bertaratuen artean banatzeko. Txekor zatiei laguntzeko, Tolosa Gourmet-eko kideek banatutako sagardoa izan dute edateko. Eguzkia lagun, trikiti doinuek girotu dute Euskal Herria plaza.
Bertakoez gain, nabaria da jai egun hautarako Euskal Herritik kanpoko jendea etorri dela Tolosako txoko ezberdinak eta gastronomia ezagutzera.
Gaurko egunarekin, euskal presoak eta iheslariak ere gogoan izan dituzte Tolosan. Euren alde eta hauen eskubideen aldarrikapenerako tragoa eta pintxoa hartzeko aukera izan da.
Trianguloa plazan ere, ohiko azokako postuez beteta, jende ugari ibili da. Eta zerkausiak jatetxe handi baten itxura du. 150 pertsonentzako menua prestatu dute.
Arratsaldean berriz, 18:00etan, Diario Vasco pilota txapelketako finalerdiak jokatuko dira Beotibar pilotalekuan. Eta 21:00etan, Zerkausiak berriz ere jatetxe itxura izango du txuleta aitzakia hartuta.
Bihar bukatu da Txuleta festa 14:00etan bazkaria eta 17:00etan, Beotibarren jokatuko diren zesta puntako partidekin.