Batzar horretan ere aurtengo urtearen balantzea egiteko baliatuko da. Ibai Iriarte alkateak eta Lore Agirre alkateordeak agerraldian azaldutakoaren arabera, "pozik" daude datorren urteko aurrekontuak osatzeko izan den parte hartze prozesuarekin: "Aurreko urtean ere egin zen prozesu hori, baina erantzuna apalagoa izan da".
Bestalde, jasotako 500etik gorako ekarpen horiek lana suposatu dutela ere adierazi dute, aurrekontuetan nola txertatu ahal diren ikusteko. Aurrera begira ere bide horretatik jarraitu nahi dutela azaldu dute Tolosako Udaleko ordezkariek, herritarren parte hartzea areagotzeko.
Datorren asteazkenean, hilak 11, 19:30ean, batzar orokorra egingo da Topic zentroko aretoan, besteak beste, jasotako iritzi eta ekarpenei erantzuna emateko. Bestetik, 2014ko aurrekontuen ildo nagusiak plazaratuko dira.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!