Eguberrietako azoka berezia

San Frantzisko pasealekua: Era guztietako jakiak salgai: ahatekiak, kontserbak, gozoak, eztia, gazta ... Jakiez gain, artisauek landutako lanak ere izango dira artxibo aurrean jarritako postuetan: pilotak, bitxiak, egurrezko jostailuak, oinetakoak, makramea...
Triangulo plaza: Trianguloa plazan eztia, ahatekiak, gazta, txokolatea, txakoliña, ardoa etabar erosteko aukera izango da. Bestalde, Tolosako dendariek ere kalera aterako dituzte beraien produktuak: jostailuak, oparitarako gaiak, kosmetika naturala, zeramika ... San Blas Elkartearen laguntzarekin, odolki lehiaketa ere plaza honetan izango da. Goizeko 8etan lehiaketan parte hartuko duten harategietako odolkiak sutan jarriko dituzte.
Plaza Zaharra: Animali erakusketa antolatu da bertan: euskal txerria, enkarterrietako astoa, azpi gorri ahuntza eta euskal oiloa. Horretaz gain, Bidanitik etorritako euskal txerriaren produktuak salgai izango dira.