Herriko tabernen auzian dauden Tolosako Intxurre, Villabonako Iratzar eta Ibarrako Subegi tabernetako arduradunei, nahiz Segiko auzian dauden eskualdeko gazteei elkartasuna erakusteko helburuz, eskualdeko Libre Eguna antolatu dute, Tolosan, larunbat honetan.
Trianguloa plaza izango da egitarauko erdigunean, goizean barrena. 11:30ean batelen arteko lehia eta herri kirolak izango dira, Intxurre, Subegi eta Iratzarren artean. Aldi berean, gainera, hamaiketakoa eta sagardo dastatzea egingo dute Trianguloan, Tolosako Dultzaineroek lagunduta.
14:30ean bazkari legea egiteko elkartuko dira Zerkausian, eta 12 euroren truke txartelak salgai dira Orbelan, Rakun eta Denaken.
Bazkalostean, 18:00ak aldera, triki-poteoa egingo dute Alde Zaharrean, eta iluntzean kontzertuak izango dira, 20:00etatik aurrera, Euskal Herria plazako karpan.