Tolosako 45. Nazioarteko Abesbatza Lehiaketaren bigarren egunean, haur abesbatzei egokitu zaie taula gainera igotzea. Zazpi abesbatzak kantatu dute goizeko saioan Leidor aretoan: Madrilgo Pequeños de la Jorcam, Estoniako Tallin boys choir, Errusiako Vesnianka, Txekiar Errepublikako Carmina children's choir, Herrialde Katalanetako Cor Vivaldi, Madrilgo Coro de las veredas eta Txekiar Errepublikako Prague children's choir.
Entzuleari gehien gustatzen zaion hitzorduetako bat da haurren abesbatzen saioa. Pasa den urtean lehiaketatik kendu beharra izan zuten murrizketen ondorioz, eta aurten errekuperatu egin dute.
Arratsaldean, polifonia eta musika herrikoiaren txanda izan da, eta 19:30ean, Leidor aretoan Camerata Reale abesbatzaren kontzertuaz gozatzeko aukera izango da. Bihar, igandean, 11:30ean izango da lehiaketako amaiera ekitaldia, eta bertan jakinaraziko dute aurtengo irabazlearen izena. Gainera, bihar, 19:30ean, Joxelu Andueza eta Iñaki Epelderen omenezko kontzertua ziango da, Topic-en, Kea ahots taldearen eskutik.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
