Tolosako Casino elkartean afaria egin dute, eta ostiralean, urriak 25, bere eguna ospatuko dute. Zapatarien kofradia da jaiotzez, baina ofiziokoak ez direnak ere parte hartzen dute.
Bere egunean, meza izango dute Santa Maria parrokian, 10:00etan, hildako bazkideen oroimenez. 70 kide dira kofradian eta horietatik 20 elkartu ziren afaltzen. San Krispin eta San Krispiniano kofradia 1616an sortu zen, eta Gipuzkoako kofradia zaharrenetakoa da, zaharrena ez bada.