Hirugarren urtez auzoko jaiak antolatu dituzte, eta iluntzean sardina jatea izango da herritarrentzat
Tolosako Alliri auzoko jai eguna izango da larunbatean, hirugarren urtez jarraian eta iluntzeko sardina jatera tolosar guztiei bertaratzeko gonbita egin diete antolatzaileek.
Goizean goiz hasiko da jaia, 09:00etan diana itxurako kalejira egingo baitute, eta 10:00etan, berriz, suziria izango da. Haurrentzako jolas, karaoke eta auzo bazkariaren ondoren, iluntzean sardina jatea izango da tolosar guztientzat, eta jarraian helduentzako karaokea antolatu dute Alliriko plazan.
Egitaraua
09.00. Banderatxoaren igoera kalejirarekin batera.
10:00. Suziria eta zapi jartzea.
11:00. Haur jolasak.
12:00. Buruhandiak.
14:00. Auzo bazkaria.
16:00. Haur karaokea.
17:00. Buruhandiak.
18:00. Txokolate jatea.
19:00. Alliriko III. Toka txapelketa.
20:00. Sardina jatea.
22:00. Helduen karaokea.