Maider Gaztañaga eta Aimar Agirresarobe, biak Tolosaldeko Triatloi Taldeko (TTT) partaideak, dira Gipuzkoako Triatloi Esprinteko aurtengo txapeldunak. Zumaiako Triatloiaren VII. edizioa jokatu zen larunbatean, eta Gaztañagak eta Agirresarobek proba irabazi zuten, eta bertan ere Gipuzkoako Txapelketa jokoan zegonez, bi garaipenekin itzuli dira Zumaiatik. Bestalde, 2013. Euskal Herriko zirkuiturako baliagarria izan den azkenaurreko proba izan da Zumaiakoa.
Esprint modalitatea izaki, 750 metro igeri, 20 kilometro bizikletan eta 5 kilometro oinez egin behar izan zituzten parte hartzaileek. Agirresarobe tolosarrak ordubete baino gutxiagoan egin zuen ibilbidea –0:56:55ko denboran, hain zuzen–, eta Gaztañaga ordiziarrak 1:03:39ko denbora behar izan zuen. Biek beraien lesioak ondo gainditu dituztela erakutsi dute, Gaztañaga denboraldi guztian zehar, eta Agirresarobe denboraldiko azkenengo probetatik kanpo egon ondoren.
SAILKAPENAK
Gizonezkoak
1. Aimar Agirresarobe 0:56:55
2. Imanol Etxeberria 0:57:15
3. Mikel Mugika 0:57:32
Emakumezkoak
1. Maider Gaztañaga 1:03:39
2. Nuria Rodriguez 1:07:10
3. Ainara Pacheco 1:07:25