Egiguren tolosarrak eta Erasun zizurkildarrak ere irabazi egin dituzte asteburu honetako partidak
Joxean Tolosa pilota txapelketa aurrera doa, eta asteburuan zenbait partida lehiakorrez gozatzeko aukera izan da. Ez da, ordea, Iñaki Artolaren kasua izan, erraztasunez gailendu baitzen 18 eta 7ko emaitzarekin, bere aurkari Oronoz lesakarraren aurrean.
Kadeteen mailan bi partida izan ziren, eta Arandiak 18-6 irabazi zion Oiarbideri. Egiguren tolosarrak, berriz, 18-13ko emaitzarekin Medina zerrendaburua kanporatu zuen.
Gazteen mailan Uharteko Sarasak irabazi zuen 18-15, Ibarrondoren aurka; azken honek ikuskizun handia eskaini zuen, galdu arren. Maila berean, Erasun zizurkildarrak 18-9 irabazi zion Burlatako Alduntzini.
Azkenik, nagusien mailan Arresek irabazi zion Santxezi, 18-9ko emaitzarekin, eta Artola alegiarrak 18-7 irabazi zion Oronoz lesakarrari. Arerioak nahiko erraz kanporatu zituzten Arresek eta Artolak.