Egunpasarako txartelak eskuragarri daude jada, Tolosako hainbat lekutan, 20 euroren truke
Tolosa Kantariko kideek txangoa antolatu dute, datorren irailerako Zarautzera. Bertako kantu jiran parte hartuko dute, egun pasa osatuz, eta txartelak salgai daude jada.
Zarautzerako autobusa 09:00etan irtengo da Tolosako zezen plazatik, eta Zarautzera iritsi bezain pronto, 10:30ak aldera, gosaria egingo dute.
Eguerdian berriz, 12:00ak aldera, kantu jirari ekingo diote zarauztarrekin batera, bertako alde zaharrean barrena.
Kantu jiran bi ordu inguruz aritu eta gero, bazkari legea egingo dute 14:30ean, Zarauzko elkarte batean. Bazkaria, ordea, norberak etxetik eramandako jakiekin egingo dute.
Irteeran parte hartzeko txartelak salgai daude jada, Tolosako Errementari kaleko Xirimiri txokolategian, eta 20 euroko prezioan salduko dituzte, autobuseko lekuak bete arte. Tolosa Kantariko arduradunek txartelak lehenbailehen erostea gomendatu nahi izan diete, Zarautzera joan nahi dutenei.