Zerkausiko goiko solairuan, zerua begiratu eta ezagutzeko tresnak eskuragarri jarriko dituzte
Aranzadi Zientzia Elkarteak astronomia gaua antolatu du Tolosan, datorren uztailaren 19an. Zerkausiko goiko solairuan izango da jaruera, eta besteak beste, astronomiaren inguruko jakintzak zabaltzea da helburua, modu ludikoan.
Zeruari begira jarriko dira, eta berau osatzen duten partikulak aztertuko dituzte. Honetarako, ordea, beharrezkoa den materialaz baliatuko dira: teleskopioak, prismatikoak, eta antzekoak. Arduradunak 20:30ak aldera asiko dira guztia prestatzen, eta 22:00etan, tresneria erabiltzen hasi aurretik, zenbait azalpen entzuteko aukera ere izango da; jendeari zer ikusiko duten esango diete, eta tresnak nola erabili behar diren ere azalduko dute. Finean, bertaratzen direnen zalantzak argitzeko eta jakinmina asetzeko izango dira han.
Honekin batera, ordenagailua, mahaiak, kafea eta zenbait mokadutxo eskainiko dizkiete bertaratuei, eta guztia doakoa izango da joan nahi duenarentzat.
Aranzadiko antolatzaileek hainbat helbururekin antolatu dute jarduera, baina besteak beste, astronomiaren inguruko jakintza ezagutaraztea da nahia. Horrez gain, belaunaldi desberdinak elkartu eta gauaz gozatzeko aukera emateko nahia ere izan dute, eta baita jarduera original bat antolatzekoa ere.
Azkenik, parte hartu nahi dutenei mugikorra eramatea gomendatu diete, argazkiak atera eta oroitzapen gisa gorde dezaten.