Bazkaria Zerkausian egingo dute, eta edaria izango da han; janaria norberak eraman beharko du
Inauterietan eguraldi txarra egin izanak sortu zien, Tolosako hainbat gazteri, ekainean mozorro egun bat antolatzeko ideia. Burutazio hutsetik aurrera atera da egitasmoa, eta larunbat honetan inauteri giroa berreskuratzeko mozorro eguna izango da Tolosan.
12:00etan jarri dute hitzordua, Trianguloan, eta triki-kalejira egingo dute Alde Zaharrean barrena. Bazkaria 15:00etan izango da, Zerkausian, eta norberak eraman beharko du janaria; kupelak jarriko dituzte, ordea, eta edalontzia bertan erosi beharko da.
Bazkalostean, berriz, argazkia aterako dute eta mozorro hoberenari saria banatuko diote bertaratuek.