Argazkilaritza dokumentala ikastaroa antolatu du Targazki Tolosaldeko argazkilarien elkarteak. 21 orduko iraupena izango du, eta larunbatetan, 16:30etik 19:30era emango du, Jesus Mari Arruabarrena UEUko irakasleak. Irailaren 7an hasiko da, hamabostean behin izango da, eta abenduaren 14ra arte iraungo du.
Tolosako kultur etxean emango dute, eta 12 ikasletik 15era bitarteko lekua izango da. targazki@gmail.com helbidean eman behar da izena hilaren 28a baino lehen. Matrikula 150 euro ordaindu behar da.