Tolosaldeko Zero Zabor talde guztien izenean.
- Bertsoen egilea: Beñat Elosegi.
- Doinua:Itsasoari begira.
Gizateriak beregan dauzka
hainbat portaera kaiku,
handi uste ta harrokeriaz
natura nahi du garaitu.
Gauzak horrela kontzientzia
inolaz ezin lasaitu
ta MunduMob-ak esandakoaz
gu ohartarazten gaitu,
kutsatzen duen pertsonak bere
burua kutsatzen baitu.
Zer aldatua badago eta
iritsi zaigu ordua,
haundikeriak alde batera
ezin da galdu burua.
Behingoz bermatu beharra dago
etorkizun segurua
ta bizileku jasangarria
denez gure helburua,
apaltasunez eman dezagun
jaso nahi dugun mundua.
Parte hartzeko dei egin zuten
dantzan eskuin eta ezker
eta jendeak erantzun zuen
herritan bazterrik bazter,
atxikimendu ugari jasoz
zenbatzen gintezke asper.
Euria erruz arituz ere
ez ginen kokildu laster
zuek guztioi zorion hutsa
ta bihotzez mila esker.