Laskorain ikastolaren ikasturte amaierako festan, kiroldegiaren erabilera «kezkagarria» izan dela diote
Tolosako PSE-EEk «kezka» azaldu du, udal eraikinak uzteko moduari dagokionez: «Udal gobernua kontrolik gabe aritu zen, Laskorain ikastolako jairako Usabal kiroldegia uzterakoan».
Batetik, Ibai Iriarte alkatearen jarrera salatu dute, «dekretu bidez gobernatzeko duen gogoagatik». Beren arabera, Laskoraingo jaiaren bezperan, alkateak dekretu bidez utzi zion Usabal ikastolari, «eta kiroldegiko erabiltzaileei jakinarazi gabe egin zuen guztia».
Horrela, beraz, eta «jai horretan jende kopuruaren eta segurtasunaren kontrolik izan ez zenez», PSE-EEk udal eraikinen uztea arautzea eskatu du, «hauek alkatearen nahierara erabil ez daitezen».