Eguerdian ekitaldi politikoa egingo dute Zerkausian, Joseba Egibar eta Mari Eugenia Arrizabalagaren eskutik
Badira jada hilabete batzuk, Tolosako EAJko kideak batzoki berrira joan zirenez geroztik. Inaugurazio ofiziala, ordea, igande honetan ospatuko dute, egun osoko egitarauarekin.
Zerkausian hasiko dute eguna jeltzale tolosarrek, 12:00etan, eta ekitaldi politikoa izango da bertan; Maria Eugenia Arrizabalaga eta Joseba Egibar GBBko lehendakaria ariko dira, bertan, hizlari lanetan.
Jarraian poteoa egingo dute herrian barrena, 14:00etan bazkaltzera joateko. Bazkal aurretik, ordea, irekiera ofiziala burutuko dute, ikurrina igoz.