Metalgintzako sektoreko langileek greba egin dute Gipuzkoako hitzarmena defendatuz Adegi patronalaren aurrean.
Mari Mujika metalgintzako LABeko Tolosaldeko arduradunak azaldu duenez, langileen erantzuna «izugarria» izan da: «Gipuzkoan grebarekin bat egin dutenak %85 izan dira, eta Goierrin, Tolosaldean eta Urola Kostan izan da ehuneko nagusiena». Mujikak gaineratu duenez, hitzarmena berritzeko negoziazioa «blokeatuta» dago eta Adegiren jarrera «oso itxia» da. Ostiralean emandako erantzunaren aurrean, Adegik «bere jarrera birplanteatu» egin beharko duela eta langileei entzun beharko diela azaldu du.