Topic-entzat instituzioen errekonozimendua eskatu du PSE-EE alderdiak, Gipuzkoako Batzar Orokorrena eta Foru Aldundiarena, batez ere: «Gure kultura kolpatuak instituzioen errekonozimendua eta mimoak behar ditu».
Tolosako Topic-ek egiten duen lana azpimarratu dute PSE-EEko kideek: «Krisi garaian izugarrizko esfortzua egiten ari dira zentroko zuzendaritza eta langileak. Maila goreneko ohorezko errekonozimendua egin behar zaiela uste dugu». PSE-EEtik iragan astean Topic-ek Hezkuntza eta museoen Nazioarteko Sari Iberoamerikarra jaso zuela gogoratu dute, eta estatu mailan nahiz Europan, Topic erreferente nagusienetakoa dela esan dute, «jaso dituen sariek erakusten duten bezala». Guzti horregatik, azken lau urtetan egin duten lana zoriontzekoa dela gaineratu dute.