Bazkari berezia egin zuten atzo Basque Culinary Center-en bildu zirenek. Gipuzkoako alor desberdinetako ehun arpegi ezagun elkartu ziren, Ehuneko ehun Gorrotxategi festan. Izen horrekin elkartu zituzten Idiazabalgo Luis Gorrotxategiren arrautzak, Tolosako Matias Gorrotxategiren txuletak eta Iñaki Gorrotxategiren postreak. Abizen bera izan arren, ez dira familia edo odol berekoak, baina gastronomiak batzen ditu hirurak, euskal gastronomiaren hiru izen garrantzitsu baitira. Euren berezitasunak batuta osatu zuten atzoko menua.
Duela bi urte inguru sortu zitzaien hirurak elkartu eta «zerbait berezia» egiteko ideia. Bada, azkenean bazkari batean gauzatu dute, eta emaitza, Iñaki Gorrotxategi tolosarrak adierazitakoaren arabera, «oso ona» izan da.
Bazkari legea egiteaz gain, Gorrotxategi abizena daraman beste pertsonaia ezagun bat omentzeko ere baliatu dute ekitaldia. Hain zuzen ere, Euskal Herriko Mediku Pediatren Elkarteko presidente den Pedro Gorrotxategi.