Aste Kultural Errepublikanoaren barruan, bihar, Mikel Errazkinek Los nombres de la memoria, Tolosa 1936-1945 Guerra Civil represión franquista y conculcación de los derechos humanos liburua aurkeztuko du Tolosako udaletxean. Bestalde, Francoren diktadurak kargugabetutako korporazioari eta udal langileei eskainitako plaka bat bistaratuko da udaletxearen atarian.
Memoriaren izenak liburuaren gaztelerazko bertsioaren aurkezpen ekitaldia, 12:00etan hasiko da, eta aurrez, 11:30ean, Errazkinen lana erosteko aukera egongo da, 20 euroren truke. Aurkezpen eguna izaki, %20ko deskontua egingo dutela azaldu dute udaletik.
Aste kulturala Tolosako Foro Errepublikanoak eta udalak antolatu dute elkarlanean.