Tolosako Bonbereneak prest du apirilean eskainiko duen musika eskaintza. Astebururo izango da kontzertuez gozatzeko aukera, eta lehen emanaldia bihar bertan izango da.
Juantxo Skalari & La Rude Band izango da taula gainera igoko den lehena. Atzetik, hilaren 12an, Desastrozombies donostiarren eta Samesugas galiziarren txanda izango da, eta hilaren 13an Siroka eta Apache taldeek disko berriak aurkeztuko dituzte. Hilaren 19an, pop-rock gaua izango da Muy Fellini eta Dinero madrildarrekin. Astebete beranduago Tooth eta Meido taldeen musikaz gozatzeko aukera izango da. Eta hilabetea bukatzeko, hilaren 30ean, asteartean, Talco italiar taldearen kontzertua izango da Bonbereneako taula gainean.
Kontzertuak
Apirila
Bihar, hilak 6. Juantxo Skalari & La Rude Band izango da, 22:30ean. Sarrera, 8 euro.
Apirilak 12. Desastrozonbies eta Samesugas taldeen kontzertua, 22:30ean. Sarrera 8 euro izango da.
Apirilak 13. Siroka eta Norte Apache taldeek joko dute, 22:30ean. Sarrera, 5 euro.
Apirilak 19. Dinero eta Muy Fellini taldeak izango dira, 22:30ean. Sarrera, 8 euro.
Apirilak 26. Tooth eta Meido taldeak igoko dira taula gainera, 22:30ean. Sarrera, 8 euro.
Apirilak 30. Talco italiar taldearen kontzertua izango da, 21:00etan. Sarrera, 8 euro.