Tolosako Sukalde elkartean izango da saioa, eta izen ematea doakoa da, lekuak bete bitarte
Minbiziaren aurkako Gipuzkoako elkarteak eta Basque Culinary Center-ek bat egin dute, koloneko minbiziaren prebentzioari begirako kanpainan. Egitasmo honen barruan, osasuna eta gastronomia uztartuko dituen hiztaldia izango da Tolosako Sukalde elkartean, datorren martxoaren 12an, 19:00etan.
Ekitaldian Teresa Gaztañaga doktorea izango da, alde batetik, eta Basque Culinary Center-eko sukaldari bat bestetik. Bertaratuekin batera osatuko dute saioa, medikuaren hitzaldia menu osasuntsu baten prestakuntzarekin nahiz azalpenekin uztartuz.
Aipatzekoa da, Euskal Autonimia Erkidegoko gizon-emakumeei gehien eragiten dien minbizia dela kolonekoa, eta horregatik eman diote garrantzia.
Jardueran parte hartzeko 50 leku daude, eta izen ematea doakoa izango da; 943 65 21 43 telefono zenbakira deitu besterik ez da egin behar, parte hartzeko.