Datorren urtarrilaren 20an ospatuko dute Ero Etxe elkarteak antolatzen duen krosa, eta Tolosako nahiz inguruetako gaztetxoek izena emateko aukera dute jada, beren ikastetxeetan. Horrez gain, lasterketaren egunean ere izena emateko mahaia jarriko dute antolatzaileek.
Urteroko moduan, San Frantzisko pasealekua izango da lasterketaren irteera nahiz helmuga, eta bi ibilbide bereiziko dituzte: motza eta luzea.
Horrela, beraz, 11:30ean hasiko dira infantil mutilak, bi itzuli luze burutuz. 11:45ean, berriz, infantil nesken txanda izango da.
12:00etan, alebin mutilek ekingo diote lanari, itzuli luze bat eginez, eta ibilbide bera burutu beharko dute alebin neskek.
Neska-mutil benjaminek borobilduko dute Ero Etxeko krosa, bi itzuli laburrekin.