Tolosako Udalak gurasoen etxetik mugitu nahi duten gazteei lagundu nahi die, eta horretarako, Gazteentzako Etxebizitza Planaren lehen urratsa abian jarriko dutela iragarri du Ibai Iriarte alkateak. Planaren ardatza alokairua izango da, izan ere, Iriarteren hitzetan hori da etorkizuna.Lehen urrats honetan sei etxebizitza jarriko dira alokairuan, 35 urtetik beherako gazteentzat. Hauek, kupo orokorreko zerrendatik aukeratuko dituzte. Itxaron zerrenda honetan 27 eskatzailek betetzen dituzte eskatzen diren baldintzak.
Ibai Iriartek azaldu duenez, "lehen pauso bat ematen dugu, azkena izango ez dena, eta helburu nagusi bezala gazteei emantzipatzen laguntzea duena".