Tolosa Zero Zabor taldeak auzokonposta egiteko proposamena luzatu die herritarrei, "hondakinen arazoari erantzuteko".
Agerraldian, eskualdeko nahiz Tolosako hainbat herritarren aldetik auzokonposta egiteko eskaerak jaso dituztela nabarmendu zuten, eta jendeak izena eman dezake jada, hainbat bidetatik. Kultur etxean zerrenda jarri dute, eta internet bidez, tolosazerozabor@gmail.com helbidera idatzita ere izena emateko aukera izango da.
Larunbat honetan, bestalde, goiz osoan zehar Trianguloa plazan postua jarriko dute, eta konpostagailu txiki batekin erakustaldiak egingo dituzte jendaurrean. Eguerdian, berriz, 12:00ak aldera, auzokonpostajearen inguruko hitzaldia izango da, Oargi elkartean.