http://www.youtube.com/watch?v=17Lb6j-FVFU&feature=youtu.be
Azaroaren 10az geroztik AHTaren aurkako Mugitu! desobedientzia mugimendua baraualdiak egiten ari da Bizkaian, Gipuzkoan eta Nafarroan, "AHTak platerak hutsik uzten dituela" salatzeko, eta "desobedientzia zibila eskubide izatetik betebehar izatera pasatu dela aldarrikatzeko".
Bada, Bizkaian ekin zieten astebeteko baraualdiari, eta lekukoa Gipuzkoak hartu zuen. Tolosan ostegunetik gaur arte izan dira baraualdian, eta lekukoa Nafarroari pasa diote. Lekukoa topa eginez pasa aurretik EHNEko Pedro Alberdi teknikariaren eskutik elikadura burujabetzaren inguruko hitzaldia izan da, eta ondoren ipuin kontaketa saioa ere egin dute. Ekitaldia salda banatuz amaitu dute.