Tolosako Alpino Uzturre Elkarteak mendi irteera antolatu du, datorren azaroaren 18rako. Txangoa Trabakua mendatea eta Etxebarriaren arteko ibilbidea burutzea izango da. Mendibil (610 m.), Urko (793 m.) eta Kalamua (768 m.) mendiak igoko dituzte. Autobusaren irteera 08:00etan izango da, San Frantziskotik, eta ibilaldiak 5 ordu iraungo du. Bazkideek 11 euro ordaindu beharko dute autobusa, eta bazkide ez direnek, berriz, 13 euro. Izena emateko, alpinouzturre@hotmail.com helbidera idatz daiteke, edo 943 65 27 89ra deitu.