Basque Culinary Center-en aurkeztu dute Tolosako Babarrunaren Astea. Hilaren 15ean hasi eta 18a bitartean, babarruna izango da protagonista. Lehiaketak, azoka berezia, sariak, artisautza azoka edota herri bazkaria izango dira.
Foru Aldundiko Landare alorreko Jose Antonio Garmendia, Basque Culinary Center-eko zuzendaria den Joxe Mari Aizega, Ibai Iriarte Tolosako alkatea eta Mari Karmen Iradi Tolosako Babarrunaren Ekoizleen Elkarteko Lehendakaria izan dira. Baita Babarrunaren Kofradiakoak ere.
Egitaraua:
Azaroak 15, osteguna
Pintxo lehiaketa tabernetan, Tolosa&Co tabernetan.
Sukaltalkan ikastaroa babarrunaren inguruan, Roberto Ruiz sukaldariarekin, Zerkausian.
Azaroak 16, ostirala
Hotel Londresen Babarrunaren aurkezpena Tolosako Babarruna Kofradiaren eskutik.
Azaroak 17, larunbata
07:30ean. Tolosako Babarrunaren ekoizleen lehiaketaren hasiera, Trianguloa plazan.
09:00etatik 14:00. Azoka Berezia, Trianguloa plazan.
10:30etik 13:30era. Topagunean ludoteka zerbitzua.
10:30etik 15:30era. Tolosako babarrunaren bidaia: ereitetik platerera.
11:30ean. Tolosako Babarrunaren Ekoizleen Lehiaketako epaimahaiak bere lanari ekingo dio, Trianguloan.
11:30ean. Txapela nork ondoen jantzi XIII. Lehiaketa.
12:00etan. Tolosako Babarrunaren Kofradiaren eskutik, Tolosako babarruna jateko aukera izango da Trianguloa plazan.
13:00etan.Tolosako babarrunaren ekoizleen lehiaketaren sari banaketa egingo dute, Trianguloan.
13:15ean. Babarrun irabazlearen lakari bat enkantean aterako da.
17:30ean. Pailazoak izango dira, Berdura plazan.
Azaroak 18, igandea
08:00etan. XXVI. Tolosako Babarrunaren Lehiaketa Gastronomikoaren hasiera, Trianguloa plazan.
13:00etan. Tolosako Babarrunaren lehiaketa.
14:30ean. Herri bazkaria.
16:30ean. Tolosako Babarrunaren Lehiaketa Gastronomikoko sari banaketa, Zerkausian.
Azaroaren 16tik 18ra
Artisautza azoka egongo da San Frantzisko pasealekuan.
Ostiralean: 17:00etatik 20:30era.
Larunbatean: 09:30etik 14:30era eta 17:00etatik 20:30era.
Igandean: 11:00etatik 14:30era.