Txapela janztea arte bilakatzen dute egun batez, Tolosako Txinparta elkarteko kideek, eta aurten ere, Tolosako Babarrun astearen barruan, XIV. Txapela Nork Hobeto Jantzi Nazioarteko Txapelketa antolatu dute.
Azaroaren 17an, 12:00etan hasiko da lehia, Txinparta elkarteak Errementari kalean duen egoitzan. Izena emateko, 699 169 243 telefonora dei egin daiteke, eta egun berean ere aukera izango da.
Gizon eta emakumeentzako diru-sariak izango dira lehen hiru sailkatuentzat; 60. 40 eta 30 euro banatuko dizkiete, hurrenez hurren.
Horiez gain, ordea, parte-hartzaile helduenari, gazteenari, eta Txinparta elkarteko kideen artean txapela dotoreziaz janzten duenari ere saria banatuko diete.