Dendariak, enpresariak nahiz enpresa munduko langileak aritu dira, besteak beste, ikastaroetan
Tolosaldea Garatzenek antolatutako IKT astearen harira, 200 lagun inguru aritu dira hainbat ikastarotan.
Antolatzaileek balorazio ona egin dute, eta Euskaltel Fundazioak utzitako autobuseko ikasgela mugikorrean, Tolosako kultur etxean nahiz Tolosako KZ Gunean antolatutako tailerrek jende gehien erakarri dutela nabarmendu dute. Mondragon Unibertsitateko ikerlari eta irakasleek eskainitako hitzaldiek ere interesa piztu dutela azaldu dute; bereziki, Lern by doing (Eginez ikasi) izeneko ikastaroak harrera ona izan duelarik. Tolosaldeko enpresari eta dendariek hainbat sare sozialen erabilera hizpide izan dute, eta euren negozioa sustatzeko hainbat bide ezagutu dituzte.
Parte hartzaileen %80a eskualdekoa izan dela nabarmendu du Tolosaldea Garatzenek, eta adinari dagokionez, berriz, oreka handia izan da jardunaldietan: «Adin guztietako pertsonen interesa piztu du Tolosaldek IKT asteak».