Tolosa Goxua azoka izango da bihar goizean Tolosako Trianguloan. Bertan, Euskal Herriko 18 —horietatik 5 Tolosakoak— gozogileren gozoak dastatu eta erosi ahalko dira, eta sagar tarta lehiaketa ere egingo dute. Arratsaldean jarraituko du ekimenak Rafa Gorrotxategik emango duen tailerrarekin. Hain zuzen ere, 17:00etatik 18:30era teilak eta goxua nola egiten diren eta txokolatearen historia azalduko du.
Tailer honetan parte hartzeko azokan bertan, Trianguloan egongo den Tolosaldea Tour-en mahaiean eman beharko da izena. Interesatuek 10 euro ordaindu beharko dute.