Buruko gaixotasunak dituztenen zaintzari zuzendutako hiru etxebizitzak, Gipuzkoako Foru Aldundiari uztea erabaki du Tolosako Udalak, hogei urterako.
Pasa den otsailaren 1ean, Tolosako Udalak eta Eusko Jaurlaritzako Etxebizitza Sailak, Uzturre kaleko 25. zenbakiko hiru etxebizitzen salerosketa kontratua sinatu zuen, gaixotasun mentala duten pertsonei, egun osoan Tolosan eskaintzen zaien zerbitzua hobetzeko helburuz.
Horrela beraz, udalak hiru etxebizitza horiek buruko gaixotasunak dituzten pertsonentzako etxebizitza tutelatu moduan erabiltzeko eskumena du orain, eta Gipuzkoako Foru Aldundiari dohainik uztea erabaki du, hogei urterako.
Horretarako, aldebiko hitzarmena sinatu beharko dute Tolosako Udalak eta Gipuzkoako Foru Aldundiko Gizarte Politikako Departamentuak. Hitzarmena sinatzeko baldintza. Eremu komunetan egin beharreko obrak, aldaketak nahiz mantenua Foru Aldundiaren esku geratzea izango da hitzarmeneko baldintza.