Datorren ostegunean, uztailak 26, Rafa Rueda abeslari eta gitarra jotzaile mungiarrak (Bizkaia) emanaldi akustikoa eskainiko du Orbelako gauak egitasmoaren barruan, Orbela tabernan.
Ruedak bere azken lana aurkeztuko du Tolosan, Enaren geometria, eta formatu akustiko hori osatzeko, Jexux Aranburu pianoarekin ariko da, Rafa Rueda lagunduz.
Antolatzaileek nabarmendu dutenez, bigarren aldiz eskainiko du Ruedak halako emanaldi bat, eta «aukera paregabea» izango dela diote. 22:30ean hasiko da kontzertua.