Tolosa CFk antolatzen ari den Berazubiko Paleta Txapelketaren finala jokatuko da gaur, ostirala. Txapelketan zehar partidak 18:30ean hasi badira ere, finala 18:00etan hasiko da.
Gaur amaituko da, pasa den uztailaren 6an hasi zen Tolosa CFen 44. paleta txapelketa.
Guztira, bederatzi bikote aritu dira lehian, Berazubi estadioko frontoian: Otermin-Errasti, Bengoa-Txepe, Ormazabal-Iban, Mendigain-Perurena, Berdegue-Pagoaga, Zabala-Aldazabal, Apeztegia-Maiza, Karrera-Izagirre eta Zelaia-Agirre.
Atzo arratsaldean Otermin-Errasti eta Karrera-Izagirreren artekoa izan zen finalerdi bat, eta bestea, berriz, Apeztegia-Maiza eta Ormazabal-Ibanen artekoa.