Ekainaren 23an, larunbata, Tolosako Orfeoiak Andre Maria plazan egingo den San Joan Suan parte hartuko du, eta ohizko zortzikoarekin batera Enrique Ugartek Tolosako 750. urteurrenerako konposatutako eta Karlos Linazasororen letra duen Tolosako Ereserkia abestuko du. Orfeoiak tolosar guztiak abestera animatu ditu, eta sua egiten den bitartean papertxo bat banatuko dute, ereserkia abestu ahal izateko.