Beste behin, eta aurten hamahirugarrena da, Et Incarnatus orkestrak udako solstizioa dela-eta naturan kontzertua emango du. Iazko toki berean izango da, Tolosako Urkizu auzoan, Iraolako zuloa izeneko lekuan (telekomunikazio antenaren pean). «Benetan txokoak merezi duelakoan gaude», diote Et Incarnatus orkestrakoek. «Mendikuteren magaleko belaze eta pagadiez inguraturik izango gara».
Emanaldia hilaren 19an, asteartea, izango da, 19:30etik aurrera. Eguraldia txarra bada, Urkizuko ermitan emango dute
kontzertua. Orkestratik azaldu dutenez, «ohikoa den bezala, amaieran izango da tripa berdintzeko zer jan eta edana bertaratzen direnentzat».