Gipuzkoako Udaberri Txapelketako finala jokatu zen igande arratsaldean Tolosako Beotibar pilotalekuan. Tolosako Beotibar elkartea eta Donostiako Jai-Alai elkartea aritu ziren nor baino nor, eta tolosarrek lortu zuten azkenean txapelketa.
Tolosako Josu Trabazos eta Julen Telleria eta Donostiako Jagoba Narvarte eta Oier Enrique lehiatu ziren finalean. Partidaren lehenengo zatian errenta erosoa lortu zuten etxekoek eta Donostiako bikoteak ezin izan zion markagailuari buelta eman. Gorriz aritu ziren donostiarrek kirioak dantzan izan zituzten partida osoan eta hori ondo baliatzen jakin zuten urdinek. 35-24ko emaitzarekin bukatu zen azkenean norgehiagoka.