Eskaintza zabala aurkituko dute kultura egarriz daudenek, asteburuan, Tolosan. Izan ere, hainbat emanaldi izango dira, bai kalean, bai herriko aretoetan. Leidor aretoan, Ruper Ordorika musikaria, ostiralean, eta Pirritx, Porrotx eta Mari Motots pailazoak, larunbatean, izango dira.
Bonberenean ere bi kontzertu izango dira entzungai: ostiralean, Chalwa Band & King Konsul, eta larunbatean, Xabier Montoia. Beste bi kontzertu izango dira larunbatean: Tolosako Musika Bandak Berdura plazan emango duena eta Tolosako Orfeoiak Santa Klara elizan egingo duena. Azkenik, Udaberrik Dantzari Txiki Eguna eta Erromeria Eguna antolatu ditu larunbaterako.