Arantzazuko Baketik zentroak eta Gipuzkoako Foru Aldundiak 2009an martxan jarritako Izeba proiektuaren informazio saioa izango da Tolosako kultur etxean, bihar, 19:00etan.
Egitasmoaren muina, Gipuzkoan bakarrik dauden adingabeei familia erreferentzia bat eskaintzea da, «iloba bati eskaintzen zaion hurbileko tratua emateko». Familia bolondresek, astean behin etxera bazkaltzera, nahiz txangoetara gonbidatu beharko dute adingabea, eta era berean, adingabe horrek izan ditzakeen arazoak konpontzen lagundu ere.
Bihar iluntzean kultur etxean izango den informazio bileraz gain, egitasmoaren inguruko informazio zabalagoa eskuratzeko, 943 25 10 05 telefonora deitu daiteke, eta baita www.izeba.org webgunea bisitatu ere.