Datorren asteartean, azaroaren 22an, Xexili Deunaren eguna izango da. Musikarien zaindaria da Xexili Deuna, eta Tolosako Eduardo Mocoroa musika eskolako ikasleak kalera irtengo dira ospatzeko, Xexili Deunaren bezperan.
Alde batetik, akordeoi, bibolin eta perkusioz osatutako taldea, kalez kale ibiliko da, egun horretarako prestatu dituzten abesti bereziak joz. Koldo Tarragona, Amaia Lizaso eta Patxi San Sebastianen zuzendaritzapean, 19:00etan Musika Eskolatik irtengo dira, Alde Zaharrean barrena ibiltzeko.
Bestalde, 20:15ean musika eskolako ikasle banda aterako da, Miguel Angel Morenoren zuzendaritzapean.