Topic zentroa Txinako Guangzhoun herrian egin duten Excellent Stage Performance Fair ekimenean hartu du parte gonbidatu berezi bezala. Aipatu ekimena arte eszenikoen azoka bat da, lehen aldiz egin dute Txinako hegoaldean, eta 1.000 stand baino gehiago izan ditu. Titirijaiko irudiak Topic-ek jakinarazi duenez, azokan jarritako lau pantailetan ospe handiko jaialdietako irudiak proiektatu zituzten, tartean Tolosako Titirijaikoak, eta baita Teatralia, Feteen, Segovia, Sevilla, Donostiako dFeria azoka, Sestao eta Bergarakoak ere. Topic-en ikusi ahal izan den Titiriteros de Binefar konpainiaren irudiak ere eskainiko zituzten, eta baita Taun Taun, Deabru Beltzak, El Retablo eta Buho taldeenak ere. Honekin batera, liburuxka bat banatu zuten txotxongilo taldeen eta jaialdien inguruko informazioarekin, eta txotxongiloen esparruarekin loturiko beste erakunde batzuei buruzkoarekin.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!