Kutxa Ekoguneak eta Emausek bultzaturiko EkoBira azoka ibiltaria Tolosan geratuko da larunbatean. Kontsumo jasangarria sustatzea helburu duen ekimena Trianguloan izango da, goizez eta arratsaldez.
Ekoizle ekologikoak, eskulangileak, material birziklatuekin lan egiten dutenak eta energia berriztagarrien sektoreko enpresek osatuko dute. Halaber, Tolosako Udalak ere izango du bere txokoa. Tolosako Ingurumen Departamentuaren eta Tolosako Ingurumen Zentroaren lana emango da jakitera bertan, eta argitaratutako materiala izango da eskuragarri. Gainera, bisita gidatuak egingo dituzte Lorategien Nazioarteko Jaialdira eta Tolosa Berdez ibilbidera eta gaztetxoentzat tailerrak ere antolatu dituzte goizean eta arratsaldean.