Bide Ertzean taldeak Don Inorrez diskoaren aurkezpena egingo du bihar, ostirala, 20:30etan, Tolosako Topic-en.
Sarrerak 10 eurotan jarri dituzte eta Topic-eko leihatilan edo www.topictolosa.com helbidean aurkitzen dira salgai.
Bide Ertzeanek etengabe landu du bere soinua 1998an abian jarri zenetik egin dituen hamabi urteotan, eta hasierako diskoetan nagusi zen pop estilotik gaur egungo ukitu rockeroagoetara aldatu da. Halaxe ageri da Don Inorrez lan berrian. Don Inorrez Azpeitia aldean haurrak beldurtzeko deitzen den pertsonaia da.