Getaria-Tolosa traineruak Euskotren Ligako bigarren bandera jaso zuten larunbatean, hau da, III. Marina de Cuyedo Bandera. Bigarren San Juan gelditu zen, 14 segundora. Hirugarrengo postuan Bizkaia gelditu zen, 23 segundora, eta laugarren Hondarribia, 41era.
Garaipen honekin B taldeko lehen postuan jarraitzen du Getaria-Tolosak, jardunaldi baten faltan. Horrela geldituz gero, A taldeko lehen traineruaren aurka jokatuko dute finala, hau da, Euskotren Liga irabazteko azken erronka. A taldean Galizia eta Zumaia aurkitzen dira lehen postuan.