Herenegun, hilaren 6an, hasi zen Tolosa CFek antolatzen duen Paleta Txapelketa, aurtengoa 43. edizioa da gainera. Gaur, bi partida egongo dira Berazubiko pilotalekuan: Niko-Txepek Errasti-Galarragaren aurka jokatuko dute, eta Bengoa-Maiza bikoteak Ormazabal eta Muñoaren aurka jokatuko dute. Hurrengo jardunaldia astelehenean izango da, eta hiru partida jokatuko dira. Hiru lehia dauden jardunaldietan, partidak 18:30ean hasiko dira, eta bi partida jokoan daudenean, 19:00etan. Partidak 30 tantora jokatuko dira, eta bikote batek kale eginez gero, partida galdutzat emango zaio 30-0eko markagailuarekin.